Skattaundanskotstrik Sigurjóns Þ. Árnasonar

Ýmislegt hefur verið rætt varðandi einkalífeyrissjóð Sigurjóns Þ. Árnasonar og þess gjörnings þegar hann lætur sjóðin kaupa skuldabréf af sjálfum sér.  Margar spurningar hafa komið upp um lögmæti þessa gjörnings.  Eitt er þó víst að gjörningurinn hefur í för með sér undanskot frá skatti.  Enginn hefur bent á í hverju það undanskot er fólgið en ég ætla að reyna að útskýra það hér.

Undir venjulegum kringumstæðum liggur séreignarsparnaðurinn undir ávöxtun og við útborgun er upphæð þeirrar ávöxtunar skattlöggð (ásamt höfuðstól) með tekjuskatti sem er nú um 38%

Það sem Sigurjón er í raun að gera er að gera séreignarsjóðinn sinn ávöxtunarlausan með því að lána sér vaxtalaus bréf úr honum.  Hann getur því sótt sér ávöxtun útá þessi lán og greitt af þeim lögbundin fjármagnstekjuskatt sem er 10%.

Hann er því að spara sér 28% skatt af vöxtunum sem ættu að vera í sjóðnum en ekki utan hans.  Í því eru skattsvikin fólgin.

Ég setti upp exelskjal sem hægt er að nota til að reikna út hagnaðinn af séreignarsparnaðartrikki sigurjóns miðað við mismunandi forsendur og þá skoða hvað ég mundi hagnast ef ég fengi að nota mínar 3 millur í séreignasparnaði með sama hætti og Sigurjón.   

Ég gaf mér meðalverðbólgu uppá 8% og 5% vexti.

Séu peningarnir venjuleg laun sett í hefðbundin sparnað þá skila 70 milljónir um 170 til eiganda og 146 til skatts.

Séu peningarnir séreignasparnaður þá skila 70 milljónir um 196 til eiganda og 120 til skatts.

Sé séreignasparnaðartrikk Sigurjóns notað þá skila 70 milljónir um 230 til eiganda og 87 í skatt.

Hann er þá miðað við ofangreindar forsendur að stinga undan um 28% af lögbundnum skatti.

Ef mætti nota mínar 3 milljónir með sama hætti og Sigurjón þá fengi fengi ég (eftir 12 ár) um 9,8 milljónir og borgaði 3,7 í skatt, í stað þess að fá 8,4 milljónir og greiða 5,1 milljón í skatt ef ávöxtunin væri í séreignarsjóðnum eins og lög gera ráð fyrir.

þ.e. ég fengi 1,4 milljón meira.

Það er því alveg ljóst að ef þessi gjörningur verður dæmdur löglegur þá fer ég strax og lána mér allan minn lífeyrissparnað í hvelli á engum eða smánarvöxtum og geymi hann á einhverjum góðum verðtryggðum reikningi.

 

 

Skrár tengdar þessari bloggfærslu:

• sigurjonstrikk.xls
• sigurjonstrikk_oldexcel.xls

Athugasemdir

[Birgir Þórarinsson, 16.6.2009 kl. 15:19]

Ath. þar sem skatturinn er greiddur á mismunandi tíma þurfti ég að gera þær samanburðarhæfar með því að reikna með því að skatturinn fengi sömu ávöxtunarkjör, þ.e.  vertryggt og 5% vexti.  Það gaf mér þá einnig dálk J sem sýnir að heildar peningaupphæðin er sú sama í veljulegum sparnaði, séreignarsparnaði og sigurjónssparnaði.

[Kristján Sigurður Kristjánsson, 16.6.2009 kl. 16:03]

Þetta er löglegt, samkvæmt því er rangt að kalla neinn þan skattsvikara sem ekki stingur undan skatti. Það er ekki lengur gildandi réttur á Íslandi að það sé valkvætt hvernig lög gilda. Hæstiréttur varð að leggja slíkar lagatúlkanir af eftir að ME fékk lagagildi á Íslandi.

Það er ekki heldur neitt sem heitir "skattasniðganga" orð sem fyrrum ríkisskattstjóri fann upp. Borgarar brjóta ekki skattalög 50%.

Hitt er annað mál maður getur gefið sér hvað sem er, mér sýnist þú gefa þér að Sigurjón sé skattsvikari.